Vélaverkstæði Þóris rekur öfluga smurstöð sem er útbúin öllum nauðsynlegum tækjum og búnaði til að þjónusta bæði fólksbíla, vörubíla, traktora, vinnuvélar og fleira. Tveir starfsmenn sinna smurstöðinni að staðaldri og tryggja hraða og faglega þjónustu.

Smurstöðin er sú eina á svæðinu sem getur tekið á móti jafn stórum tækjum og búnaði- meðal annars 25 tonna lyftu og mikilli lofthæð í húsnæðinu. Í kringum smurstöðina er haldið umtalsverðu vöruúrvali á lager, þar á meðal olíur, loftsíur, smursíur, eldsneytissíur, glussasíur og annað sem til þarf fyrir vandaða og örugga smurþjónustu.