Vélaverkstæði Þóris var stofnað af Þóri L. Þórarinssyni 1. mars 1995 og hóf rekstur í 75 m² húsnæði. Fljótlega varð ljóst að stækka þyrfti verkstæðið vegna ört vaxandi verkefna, einkum úr landbúnaðargeiranum á Suðurlandi og vegna virkjunarframkvæmda á hálendinu. Í dag er starfsemin til húsa í rúmlega 2.000 m² húsnæði að Austurvegi 69 á Selfossi.

Helsta starfsemi verkstæðisins felst í viðgerðum á landbúnaðartækjum, vörubifreiðum, vögnum og vinnuvélum af öllum stærðum og gerðum. Einnig er boðið upp á rennismíði, fræsivinnu og fjölbreyttar járnsmíðar. Verkstæðið er afar vel búið tækjum, þar á meðal lyftum, rafsuðum og greiningartölvum fyrir flestar gerðir vinnuvéla, dráttarvéla og vörubíla.

Í dag nær þjónusta Vélaverkstæðis Þóris langt út fyrir Suðurland og spannar nú landið allt. Verkstæðið býður upp á einstaka og sérsniðna þjónustu sem aðlöguð er hverju verkefni – með áherslu á gæði, fagmennsku og lausnamiðaða nálgun.